Telugu 360 Telugu- AGK News Stand

Telugu 360 Telugu

కలుగు నుంచి బయటకు రాబోతున్న జోసెఫ్ రావణ్‌ నెట్‌వర్క్ !?

సోషల్ మీడియా వేదికగా విద్వేషపూరిత వ్యాఖ్యలు చేయడం, చట్టవ్యతిరేక కార్యకలాపాలకు పాల్పడేలా ప్రేరేపించారనే తీవ్ర ఆరోపణలు ఎదుర్కొంటున్న యూట్యూబర్ బచ్చలకూరి జోసెఫ్ కేసులో గన్నవరం న్యాయస్థానం కీలక ఉత్తర్వులు జారీ చేసింది. ఈ కేసు విచారణను లోతుగా చేపట్టేందుకు నిందితుడిని ఏడు రోజుల పాటు పోలీస్ కస్టడీకి అప్పగించాలని దర్యాప్తు అధికారులు వేసిన పిటిషన్‌ను కోర్టు ఆమోదించింది. న్యాయస్థానం ఆదేశాల మేరకు శుక్రవారం ఉదయం నుంచి గన్నవరం పోలీసులు జోసెఫ్‌ను తమ కస్టడీలోకి తీసుకుని ప్రశ్నించనున్నారు. యువతను […]

కేసీఆర్‌కు రెవెన్యూ నోటీసులు?

కేసీఆర్ ఫామ్‌హౌస్ కేంద్రంగా ఉన్న ఎర్రవల్లి భూముల వివాదంలో విచారణ ప్రారంభమయింది. అసెంబ్లీలో సీఎం రేవంత్ రెడ్డి విచారణకు ఆదేశించడంతో రెవెన్యూ యంత్రాంగం వేగంగా రంగంలోకి దిగింది. ఎర్రవల్లిలోని కేసీఆర్ ఫామ్‌హౌస్ పరిసరాల్లో వివాదంలో ఉన్న సుమారు 385 ఎకరాల భూమిలో ప్రభుత్వ భూమి, అసైన్డ్ భూములు ఎంతమేర కలిసి ఉన్నాయో 30 రోజుల్లోగా తేల్చాలని అసెంబ్లీ వేదికగా సీఎం ఆదేశించిందున , గురువారం సిద్దిపేట జిల్లా మార్కూక్ తహశీల్దార్ కార్యాలయంలో అధికారులు ప్రత్యేకంగా సమావేశమై సంబంధిత […]

టాటా సన్స్‌ ఛైర్మన్‌గా మూడోసారి చంద్రశేఖరనే !

టాటా గ్రూప్ మాతృసంస్థ టాటా సన్స్ ఛైర్మన్‌గా ఎన్. చంద్రశేఖరన్ వరుసగా మూడోసారి ఐదేళ్ల కాలానికి తిరిగి నియమితులయ్యారు. ప్రస్తుతం ఆయన పదవీకాలం ఫిబ్రవరి 2027తో ముగియాల్సి ఉంది. ఆ తర్వాత మరో టర్మ్‌ను కొనసాగించబోనని ఆయన గతంలోనే బోర్డుకు సంకేతాలు ఇచ్చారు. అయితే, రిజర్వ్ బ్యాంక్ ఆఫ్ ఇండియా తీసుకున్న తాజా నిర్ణయం, దానివల్ల తలెత్తిన అనూహ్య పరిణామాలతో టాటా సన్స్ బోర్డు చంద్రశేఖరన్ నాయకత్వం కొనసాగాలని ఏకగ్రీవంగా నిర్ణయించింది. దేశంలోనే అతిపెద్ద కార్పొరేట్ దిగ్గజమైన […]

2004 అఫిడవిట్‌లో కేసీఆర్‌కు భూములు జీరో !

కేసీఆర్ కుటుంబ భూముల వ్యవహారం పెను దుమారం రేపుతోంది. కేసీఆర్ ఒకప్పుడు ఎన్నికల సంఘానికి సమర్పించిన ఎన్నికల అఫిడవిట్లను తెరపైకి తెస్తూ కాంగ్రెస్ పార్టీ గులాబీ నాయకత్వంపై తీవ్రస్థాయిలో ఎదురుదాడికి దిగింది. 2004 కరీంనగర్ లోక్‌సభ ఎన్నికల్లో నామినేషన్ దాఖలు చేసిన సమయంలో తనకు ఒక్క ఎకరం భూమి కూడా లేదని స్వయంగా అఫిడవిట్‌లో వెల్లడించిన కేసీఆర్‌కు.. నేడు వేల కోట్ల రూపాయల విలువైన వేలాది ఎకరాల భూములు ఎలా వచ్చాయని అధికార పక్షం సూటిగా ప్రశ్నిస్తోంది. […]

‘విశ్వంభ‌ర’ అమేజాన్‌ డీల్: ఓటీటీకి ఎంత‌కు అమ్మారంటే…?

మెగాస్టార్ చిరంజీవి – వ‌శిష్ట కాంబినేష‌న్ లో రూపొందిన సినిమా ‘విశ్వంభ‌ర‌’. ఈ సినిమాకు నిన్నా మొన్న‌టి వ‌ర‌కూ ఒక‌టే స‌మ‌స్య‌. ఓటీటీ డీల్ క్లోజ్ అవ్వ‌డం. ఇప్పుడు అది పూర్త‌యిపోయింది. ఈ సినిమాని అమేజాన్ సంస్థ రూ.55 కోట్ల‌కు కొనుగోలు చేసింది. ఇది మంచి మొత్త‌మే. అయితే.. సంక్రాంతి సీజ‌న్ లో ఈ సినిమాని రిలీజ్ చేస్తామ‌ని యూవీ క్రియేష‌న్స్ మాట ఇచ్చింద‌ని, అందుకే డీల్ సెట్ అయ్యింద‌ని ఇన్ సైడ్ వ‌ర్గాల టాక్‌. ఒక‌వేళ […]

డీఎంకే నేతలు మాట్లాడితే కేసులు – విజయ్ మార్క్ !

తమిళనాడు రాజకీయాలు అసెంబ్లీ రికార్డుల నుంచి పోలీస్ స్టేషన్ల వరకు రగిలిపోతున్నాయి. ప్రతిపక్ష డీఎంకే నేతలు రాజకీయ విమర్శలతో గళమెత్తితే చాలు వారిపై క్రిమినల్ కేసులు నమోదు అవుతున్నాయి. ఎమర్జెన్సీ కాలంలో ఎం.కె. స్టాలిన్ అనుభవించిన మీసా నిర్బంధాన్ని అసెంబ్లీలో విజయ్ ప్రశ్నిస్తూ ఎద్దేవా చేయడంతో మొదలైన ఈ రగడ.. డీఎంకే సెప్టెంబర్ 12న చేపట్టిన రాష్ట్రవ్యాప్త నిరసనలతో వీధులకెక్కింది. అయితే, ఆ ఆందోళనల్లో మాట్లాడిన కీలక నేతలను లక్ష్యంగా చేసుకుని పోలీసులు వరుసగా కేసులు బనాయించడం […]

‘ఫౌజీ’… ఇంకెంత మిగిలింది?

ఈ యేడాది సంక్రాంతికి ‘రాజాసాబ్’ గా అభిమానుల ముందుకు వ‌చ్చారు ప్ర‌భాస్‌. ఆ సినిమా బాక్సాఫీసుని దారుణంగా నిరాశ ప‌రిచింది. చివ‌ర్లో ఫౌజీ వ‌స్తుంద‌ని, లెక్క స‌రిచేస్తుంద‌ని అంతా ఆశించారు. కానీ.. డిసెంబ‌రు 3న ‘ఫౌజీ’ రావ‌డం దాదాపు అసాధ్యం అని తేలింది. ఈ యేడాది ఫౌజీ లేన‌ట్టే. మ‌రి త‌దుప‌రి మంచి డేట్ ఎప్పుడు, ఈ సినిమాకు సంబంధించి ఇంకెంత వ‌ర్క్ పెండింగ్ లో ఉంది? అనే అంశాలు ప్ర‌స్తుతం ఆస‌క్తిక‌రంగా మారాయి. ‘ఫౌజీ’కి సంబంధించి […]

కాశీలో ఎన్డీఏ నేతల ‘సేవా సంకల్ప్ అభియాన్’

ప్రధాని నరేంద్ర మోదీ గుజరాత్ సీఎంగా, దేశ ప్రధానిగా 25 సంవత్సరాల సుదీర్ఘ ప్రస్థానాన్ని విజయవంతంగా పూర్తి చేసుకుంటున్న సందర్భంగా వారణాసిలో సేవా సంకల్ప్ అభియాన్ అత్యంత వైభవంగా ప్రారంభమైంది. సెప్టెంబర్ 17 నుంచి అక్టోబర్ 17 వరకు నెల రోజుల పాటు దేశవ్యాప్తంగా సాగే ఈ సేవా ఉత్సవాలకు వారణాసి ప్రధాన వేదికగా నిలిచింది. ఈ చారిత్రాత్మక ఘట్టంలో చంద్రబాబు నాయుడుతో పాటు ఎన్డీయే కూటమికి చెందిన పలువురు కేంద్ర మంత్రులు, వివిధ రాష్ట్రాల ముఖ్యమంత్రులు […]

“భూ”కంపం – బీఆర్ఎస్ కౌంటర్ బలంగా ఉందా?

శాసనసభ వేదికగా ముఖ్యమంత్రి రేవంత్ రెడ్డి బయటపెట్టిన భూముల వివరాలు తెలంగాణ రాజకీయాల్లో పెను ప్రకంపనలే సృష్టించాయి. బీఆర్ఎస్ అగ్రనేతలు, వారి కుటుంబ సభ్యుల పేరిట ఉన్న వందలాది ఎకరాల భూ ఆస్తుల చిట్టాను రేవంత్ సభ ముందుంచడం ద్వారా ప్రతిపక్షాన్ని ఒక్కసారిగా ఆత్మరక్షణలోకి నెట్టగలిగారు. సాధారణంగా రాజకీయాల్లో ప్రత్యర్థులపై విమర్శలు చేయడం వేరు, సాక్షాత్తూ అసెంబ్లీ రికార్డుల్లో సర్వే నంబర్లు, విస్తీర్ణాల ఆధారంగా లెక్కలు బయటపెట్టడం వేరు. ఈ ఆకస్మిక దాడితో ఉలిక్కిపడ్డ గులాబీ దళం.. […]

బొత్స, తమ్మినేనిలకు టికెట్లు ఖరారు చేసిన జగన్ !

ఉత్తరాంధ్ర జిల్లాల్లో వైఎస్సార్ కాంగ్రెస్ పార్టీకి కీలక నేతలంతా వరుసగా గుడ్‌బై చెబుతుండటం, మౌనం వహించడంతో అధినేత వైఎస్ జగన్ మోహన్ రెడ్డి రంగంలోకి దిగారు. బెంగళూరు నుంచి తాడేపల్లికి తిరిగొచ్చిన జగన్ బుధవారం సీనియర్ నాయకులు బొత్స సత్యనారాయణ, తమ్మినేని సీతారాంలను ప్రత్యేకంగా పిలిపించి మాట్లాడారు. పార్టీ వీడుతున్న వారి సంఖ్య పెరుగుతుండటంతో శ్రేణులకు ధైర్యం చెప్పేందుకు ఈ అత్యవసర భేటీలను నిర్వహించినట్లు తెలుస్తోంది. ఈ భేటీలో ప్రధానంగా మాజీ స్పీకర్ తమ్మినేని సీతారాం కుమారుడు […]

హైదరాబాద్‌లో తొలిసారిగా అంతర్జాతీయ రియల్ ఎస్టేట్ కాన్ఫరెన్స్

భారతదేశ స్థిరాస్తి రంగ చరిత్రలో మైలురాయిగా నిలవబోయే ప్రతిష్టాత్మక అంతర్జాతీయ రియల్ ఎస్టేట్ కాన్ఫరెన్స్ నిర్వహణకు హైదరాబాద్ నగరం అధికారికంగా వేదికవుతోంది. దేశంలోనే తొలిసారిగా ఈ గ్లోబల్ సదస్సును నిర్వహిస్తున్నారు. ప్రపంచ స్థాయి రియల్ ఎస్టేట్ నిపుణులు, ప్రముఖ డెవలపర్లు, కార్పొరేట్ దిగ్గజాలు ,అంతర్జాతీయ పెట్టుబడిదారులు ఈ సదస్సుకు హాజరుకానున్నారు. భారతీయ రియల్ ఎస్టేట్ మార్కెట్‌లో, ముఖ్యంగా హైదరాబాద్‌లో మౌలిక వసతులు, ఐటీ కారిడార్లు, హైరైజ్ ప్రాజెక్ట్‌లు వేగంగా విస్తరిస్తున్న తరుణంలో ఈ సదస్సు అత్యంత ప్రాధాన్యం […]

నిర్మాణ ఖర్చులు, భూమి ధరల వల్లే రియల్ ఎస్టేట్‌లో కొనుగోళ్ల సంక్షోభం!

దేశీయ రియల్ ఎస్టేట్ రంగంలో నిర్మాణ వ్యయాలకు, గృహాల విక్రయ ధరలకు మధ్య అసాధారణ అంతరం పెరుగుతున్నట్లు ప్రముఖ స్థిరాస్తి కన్సల్టెన్సీ సంస్థ అనరాక్ తన తాజా నివేదికలో వెల్లడించింది. దేశంలోని ప్రధాన ఏడు నగరాల్లో గడచిన ఐదేళ్లలో ఇళ్ల నిర్మాణ ఖర్చులు కేవలం 34 శాతం పెరిగితే, అదే సమయంలో సగటు నివాస ప్రాంతాల ధరలు మాత్రం ఏకంగా 59 శాతం వరకు ఎగిశాయని ఈ నివేదిక స్పష్టం చేసింది. నిర్మాణ వ్యయాల వృద్ధి కంటే […]

విజయ్ ను ఢీకొడుతున్న కమ్యూనిస్టులు – ఉపఎన్నికల్లో కష్టమే!

తమిళనాడులో ప్రభుత్వ ఏర్పాటుకు విజయ్‌కు సహకరించిన కమ్యూనిస్టులు ఉపఎన్నికల్లో మాత్రం పోటీ చేసేందుకు రెడీ అవుతున్నారు. విజయ్ నేతృత్వంలోని టీవీకే ప్రభుత్వానికి అసెంబ్లీలో వెలుపలి నుంచి మద్దతు కొనసాగిస్తూనే, అక్టోబర్ 6న జరగనున్న మధురాంతకం, ధారాపురం ఉపఎన్నికల్లో వామపక్షాలు స్వతంత్రంగా బరిలోకి దిగాలని నిర్ణయించుకున్నాయి. అధికారంలో ఉన్న ప్రభుత్వాన్ని తాము కూల్చబోమని హామీ ఇస్తూనే, అదే ప్రభుత్వ అభ్యర్థులను ఓడించాలని ప్రజలను కోరేందుకు సిద్ధమవుతున్నాయి. ఏ కూటమిలో లేమంటున్న వామపక్షాలు తాము అటు టీవీకే కూటమిలో గానీ, […]

మిడ్ టర్మ్ పోల్స్ – ట్రంప్‌కు వాత పెట్టబోతున్న అమెరికన్లు!

అమెరికా కాంగ్రెస్‌లోని హౌస్ ఆఫ్ రిప్రజెంటేటివ్స్ స్థానాలకు రెండేళ్లకోసారి జరిగే మధ్యంతర ఎన్నికల ముంగిట అధ్యక్షుడు డొనాల్డ్ ట్రంప్‌కు గట్టి ఎదురుదెబ్బ తగులుతోంది. అమెరికా ఫస్ట్ నినాదంతో అధికారంలోకి వచ్చిన ట్రంప్ ….అమెరికా లాస్ట్ అన్నట్లుగా పరస్థితి మార్చేశారు. ప్రజలపై పన్నుల భారం పెరిగేలా చేయడమే కాకుండా .. జీవనాన్ని కష్టతరం చేస్తున్న ఆయన అప్రూవల్ రేటింగ్ ఏకంగా 30 శాతం కనిష్ట స్థాయిలకు పడిపోయింది. దీంతో రిపబ్లికన్లు ఆశలు వదిలేసుకుంటున్నారు. మాగా సపోర్టర్లలో నీరసం ట్రంప్‌కు […]

విమానాలెక్కేవారు తగ్గిపోతున్నారు!

హైదరాబాద్‌లోని రాజీవ్ గాంధీ అంతర్జాతీయ విమానాశ్రయం లో ప్రయాణికుల రద్దీ అనూహ్యంగా క్షీణించింది. ప్రతి ఏటా స్థిరమైన వృద్ధిని నమోదు చేసే విమాన ప్రయాణాలు.. ఈ ఏడాది ఆగస్టు నెలలో గత ఏడాదితో పోలిస్తే ఏకంగా 11.5 శాతం మేర పడిపోయినట్లు జీఎంఆర్ విడుదల చేసిన తాజా నివేదిక వెల్లడించింది. అంతకుముందు జూలై నెలలో 9.6 శాతం క్షీణత నమోదు కాగా, ఆగస్టు నాటికి ఈ క్షీణత మరింత తీవ్రరూపం దాల్చడం విమానయాన రంగంలో చర్చనీయాంశంగా మారింది. […]

థియేటర్లకు వెళ్లకుండానే 7.5 కోట్ల మంది చూశారా?

సినిమా అంటే థియేటర్‌లోనే చూడాలి… ఒకప్పుడు ఇది తప్పనిసరి. కానీ ఇప్పుడు పరిస్థితి పూర్తిగా మారిపోయింది. ఓటీటీ వచ్చిన తర్వాత సినిమా చూడటానికి థియేటర్ ఒక్కటే మార్గం కాదు. ఇంట్లోనే కూర్చొని… నచ్చిన సమయంలో… నచ్చిన భాషలో… వేల సినిమాల్లో మనకు కావాల్సినదాన్ని ఎంచుకుని చూసే అవకాశం వచ్చేసింది. అందుకే ఓటీటీ కేవలం థియేటర్లకు ప్రత్యామ్నాయం కాదు.సినిమాలకు మరో భారీ మార్కెట్‌గా మారిపోయింది.అయితే ఈ ఓటీటీ ప్రపంచంలో ఇప్పటివరకు అత్యధిక మంది చూసిన ఇండియన్ సినిమా ఏది? […]

MS బ‌యోపిక్‌… మరో ‘మహానటి’ అవుతుందా?

ఒక మహానటి జీవితాన్ని తెరపైకి తీసుకురావడం ఒక సవాలు. ఒక మహాగాయని జీవితాన్ని తెరపైకి తీసుకురావడం అంతకంటే పెద్ద సవాలు. ఎందుకంటే ఎం.ఎస్. సుబ్బులక్ష్మి అంటే కేవలం ఒక గాయని కాదు. ఒక స్వరం కాదు. ఒక తరం కాదు. ఒక సంగీత సంప్రదాయం కాదు. భారతీయ సంస్కృతికి ప్రపంచ వేదికపై వినిపించిన ఒక గొంతు. అందుకే గౌతమ్ తిన్ననూరి దర్శకత్వంలో రష్మిక మందన్న ప్రధాన పాత్రలో తెరకెక్కనున్న ఎం.ఎస్. సుబ్బులక్ష్మి బయోపిక్ అనౌన్స్ అయిన వెంటనే… […]

జగన్ పై మత మార్పిడి బాంబ్- వి.సా.రెడ్డిది పెద్ద ప్లానే!

వైఎస్సార్‌సీపీలో ఒకప్పుడు నంబర్-2గా చక్రం తిప్పి, అధినేత వైఎస్ జగన్మోహన్ రెడ్డికి అత్యంత సన్నిహితుడిగా మెలిగిన మాజీ ఎంపీ వి. విజయసాయిరెడ్డి.. ఇప్పుడు అదే జగన్‌పై ఎవరూ ఊహించని అత్యంత సున్నితమైన, వివాదాస్పద అస్త్రాన్ని సంధిస్తున్నారు. ఏకంగా మత మార్పిళ్లు అనే కోణంలో జగన్ విధానాలను ఢీకొట్టేందుకు సిద్ధమయ్యారు. జగన్ హయాంలో తెరవెనుక మతపరంగా ఎలాంటి సమీకరణాలు నడిచాయో, అధికార యంత్రాంగాన్ని అడ్డం పెట్టుకుని ఎమ్మెల్యేల ద్వారా ఎలా ప్రోత్సాహకాలు అందించారో నిశితంగా తెలిసిన వ్యక్తే స్వయంగా […]

పవన్ విజన్ – పల్లె పండుగ 3.0కు రెడీ

గ్రామ స్వరాజ్య సాధన, పల్లెల సమగ్ర రూపాంతరమే లక్ష్యంగా పవన్ కళ్యాణ్ ప్రతిష్టాత్మకంగా చేపట్టిన పల్లె పండుగ కార్యక్రమం విజయవంతంగా మూడో దశకు చేరింది. గ్రామీణ ప్రాంతాల్లో మౌలిక సదుపాయాల కల్పన, ఉపాధి హామీ అనుసంధానంతో చేపట్టిన తొలి రెండు విడతల పనులు అద్భుత ఫలితాలనివ్వడంతో, ప్రభుత్వం మరింత ఉత్సాహంతో పల్లె పండుగ 3.0 ను పట్టాలెక్కించేందుకు అధికార యంత్రాంగం అన్ని ఏర్పాట్లూ పూర్తి చేసింది. గ్రామాల్లో జీవన ప్రమాణాలు పెంచడం, వ్యవసాయ అనుబంధ రంగాలు, గిరిజన […]

పొత్తు ఉండదని కేటీఆర్ ఎందుకు చెప్పుకోవాల్సి వస్తోంది!?

బీఆర్‌ఎస్ వర్కింగ్ ప్రెసిడెంట్ కేటీఆర్ ఢిల్లీ పర్యటనల్లో, జాతీయ మీడియా ఇంటర్వ్యూలలో, విశ్వవిద్యాలయాల ఉపన్యాసాల్లో.. 2028 ఎన్నికల్లో మేము బీజేపీతో ఏవిధంగానూ పొత్తు పెట్టుకోము అంటూ కేటీఆర్ పదే పదే ప్రకటనలు గుప్పిస్తున్నారు. కేంద్రంలో బీజేపీ తెచ్చే డీలిమిటేషన్ బిల్లుకు సమన్యాయం జరిగితే మద్దతిస్తామని చెబుతూనే, ఎన్నికల మైత్రిని ఖండిస్తున్నారు. అయితే, ఎన్నికలకు ఇంకా రెండేళ్లకు పైగా సమయం ఉన్నప్పటికీ, మేము కలవం అని కేటీఆర్ ఇంత గట్టిగా, వరుసగా వివరణలు ఇచ్చుకోవాల్సిన పరిస్థితి ఎందుకు వచ్చింది? […]

ఈ గురువారం ప్రెస్మీట్ లేదు..వీడియో షో

ఆంధ్రప్రదేశ్‌కు ఎప్పుడు వస్తారో.. ఎప్పుడు బెంగళూరు ప్యాలెస్‌కు చెక్కేస్తారో కేడర్‌కే అర్థం కాని రీతిలో సాగుతోంది మాజీ సీఎం జగన్మోహన్ రెడ్డి రాజకీయ షెడ్యూల్. ఈ వారం ఎలాగైనా ఏపీలోనే ఉన్నానని నాలుగు దిక్కులా తెలియజేయాల్సిన అనివార్య పరిస్థితి ఏర్పడింది. పోనీ ఎప్పటిలాగా మైక్ ముందుకొచ్చి మీడియాపై చిరునవ్వులు విసురుతూ ఓ ప్రెస్ మీట్ పెడదామా అంటే మూడ్ కుదరలేదు. కనీసం నియోజకవర్గ స్థాయి కార్యకర్తలను పిలిపించి ఓ ఫోటో సెషన్ పెడదామన్నా ఓపిక లేకపోయింది. అందుకే […]

చెట్టు కొట్టి మీదేసుకున్న బీఆర్ఎస్

రాజకీయాల్లో ప్రత్యర్థిని ఇరుకున పెట్టేందుకు వేసే ప్రతి వ్యూహం ఆచితూచి ఉండాలి. ఏమాత్రం గురి తప్పినా లేదా మన రికార్డుల్లోనే లోపాలున్నా.. అది కాస్తా రివర్స్ అయి స్వయంకృతాపరాధంగా మారుతుంది. ప్రస్తుతం తెలంగాణలో భారత్ రాష్ట్ర సమితి పరిస్థితి అచ్చం చెట్టు కొట్టి నెత్తిన వేసుకున్నట్లే తయారైంది. రిజిస్ట్రేషన్ల శాఖలో నిషేధిత జాబితా అంశాన్ని పట్టుకుని, రాష్ట్రవ్యాప్తంగా లక్షలాది మంది ప్రజల ఆస్తులు ప్రమాదంలో పడ్డాయంటూ ప్రజల్లో భయాందోళనలు సృష్టించాలని బీఆర్ఎస్ అగ్రనాయకత్వం భావించింది. దాదాపు కోటి […]

వైసీపీకి అనుమానం జబ్బు

వైఎస్సార్ కాంగ్రెస్ పార్టీలో ప్రస్తుతం విచిత్రమైన రాజకీయ వాతావరణం నెలకొంది. అధికారంలో ఉన్నప్పుడు వ్యవస్థలను నడిపించిన తీరు, నేడు ప్రతిపక్షంలో ఉన్నప్పుడు అనుసరిస్తున్న వ్యూహాలు పార్టీని మరింత నిరాశలోకి నెడుతున్నాయి. శ్రీకాకుళం జిల్లాలో బలమైన నేత, మాజీ స్పీకర్ తమ్మినేని సీతారాం కుటుంబంపై చాపరం భూకబ్జా కేసు నమోదు అయింది. . హైకోర్టు వారికి తాత్కాలిక ఊరట నిచ్చింది. అయితే, కూటమి ప్రభుత్వ హయాంలో పోలీసులు కేసులు నమోదు చేసినప్పటికీ అరెస్టు కాకపోవడమే నేరమైనట్లు వైసీపీ అధిష్టానం […]

కమింగ్ సూన్ – ఫామ్ హౌస్ రహస్యాలు!

తెలంగాణ రాజకీయాల్లో గత దశాబ్ద కాలంగా అత్యంత ఆసక్తికరమైన, అంతకుమించి రహస్యమైన కేంద్రం ఏదైనా ఉందంటే అది సిద్దిపేట జిల్లా ఎర్రవల్లిలోని కేసీఆర్ ఫామ్‌హౌస్. ప్రారంభంలో కొద్దిపాటి ఎకరాల విస్తీర్ణంలో, కేవలం రెండు అంతస్తుల సాధారణ గెస్ట్‌హౌస్‌తో మొదలైన ఈ వ్యవసాయ క్షేత్రం.. కాలక్రమేణా వేల మీటర్ల పొడవాటి ప్రహరీ గోడలు, పటిష్టమైన నిఘా వ్యవస్థ, అత్యాధునిక రాజభవన సముదాయాలతో ఒక అభేద్యమైన కోటలా రూపాంతరం చెందింది. పార్టీలో సీనియర్ మంత్రులు, ఎమ్మెల్యేలకు సైతం కేవలం ప్రవేశ […]

మోదీ హ్యాపీ బర్త్‌డే – 25 ఏళ్ల ‘పవర్ ప్లే’

సెప్టెంబర్ 17.. ప్రధాని నరేంద్ర మోదీ పుట్టినరోజు. అయితే ఈ సారి ఆయన బర్త్‌డే కేవలం ఒక సాధారణ కేక్ కటింగ్ వేడుక కాదు! 2001 అక్టోబర్ 7న తొలిసారి గుజరాత్ సీఎంగా ప్రమాణస్వీకారం చేసిన నాటి నుంచి.. నేటి వరకు పావు శతాబ్దం పాటు నిరంతరాయంగా ఒక రాష్ట్రానికి ముఖ్యమంత్రిగా, దేశానికి ప్రధానిగా పబ్లిక్ ఆఫీస్‌లో విజన్‌ను డెలివరీ చేసిన అరుదైన మైలురాయిని ఆయన చేరుకున్నారు. ఒక సాదాసీదా ఆర్‌ఎస్‌ఎస్ ప్రచారక్ నుంచి ప్రపంచంలోనే అత్యంత […]

మిఠాయివాలాకు దాదాసాహెబ్ ఫాల్కే

కన్నడ నటుడు అనంత్‌ నాగ్‌కు ప్రతిష్ఠాత్మక దాదాసాహెబ్‌ ఫాల్కే అవార్డు వరించింది. కన్నడ సినిమాకు చెందిన నటుడిగా పరిచయమైన అనంత్ నాగ్.. క్రమంగా భారతీయ సినిమాకు చెందిన నటుడిగా ఎదిగారు. ఐదు దశాబ్దాలకు పైగా సాగిన ఆయన కెరీర్‌లో 300కు పైగా సినిమాల్లో నటించారు. కన్నడతో పాటు హిందీ, తెలుగు, మరాఠీ, మలయాళం, ఇంగ్లిష్‌ భాషల్లోనూ ఆయన తనదైన ముద్ర వేశారు. అనంత్ నాగ్ రంగస్థలం నుంచి వచ్చిన నటుడు. కాకపోతే సినిమా గ్రామర్ ని ఆయన […]

FBI అట.. జగన్ అమాయకత్వంతో ఆడుకుంటున్న కోటరీ!

వైఎస్సార్‌సీపీ అధినేత వైఎస్ జగన్మోహన్ రెడ్డి తన అధికారిక ఎక్స్ ఖాతా ద్వారా ఏపీ ప్రభుత్వం, పోలీసులపై కొత్త ఆరోపణలు చేశారు. ఆంధ్రప్రదేశ్ పోలీసులు అమెరికాకు చెందిన ఇన్వెస్టిగేషన్ ఏజెన్సీ ఎఫ్‌బీఐ పేరుతో ఎక్స్‌కు రిక్వెస్ట్ పంపి పోస్టులను తొలగించే ప్రయత్నం చేశారని, ఇది ప్రజాస్వామ్యానికే ముప్పు అంటూ చంద్రబాబు సర్కార్‌పై జగన్ నిప్పులు చెరిగారు. అయితే, వాస్తవాలను కనీసం పరిశీలించకుండా ఆయన సోషల్ మీడియా విభాగం అందించిన తప్పుడు సమాచారంతోనే ఈ ట్వీట్ చేసినట్లు కాస్త […]

కేసీఆర్ ఫ్యామిలీ పుట్ట పగలగొట్టేశారు రేవంత్

శాసనసభ వేదికగా ముఖ్యమంత్రి ఎనుముల రేవంత్ రెడ్డి విసిరిన పవర్ ఫుల్ రాజకీయ బాంబు ఎంత ప్రభావం చూపుతుందో ఇప్పుడే చెప్పడం కష్టం. నిషేధిత భూముల జాబితా సెక్షన్ 22A పేరుతో కాంగ్రెస్ ప్రభుత్వాన్ని ఇరుకున పెట్టాలని చూసిన గులాబీ దళానికి.. అదే 22A అస్త్రాన్ని రివర్స్ చేసి దిమ్మతిరిగే షాక్ ఇచ్చారు. కల్వకుంట్ల కుటుంబం ఏళ్ల తరబడి మూసిపెట్టిన భూ దందాల పుట్టను ఒక్క దెబ్బతో బద్దలు కొట్టేశారు. దశాబ్ద కాలం పాటు ధరణి ముసుగులో […]

భ‌న్సాలీ రూట్ లోకి మ‌న హీరోలు వెళ్ల‌గ‌ల‌రా?

బాలీవుడ్‌లో ఒక స్టార్ హీరోతో సినిమా అంటే ఓ భారీ కమర్షియల్ ఎంటర్‌టైనర్ అనుకుంటాం. కానీ సంజయ్ లీలా భన్సాలీతో సినిమా అంటే మాత్రం లెక్కలు మారిపోతాయి. ఎందుకంటే ఆయన సినిమా మొదలైన దగ్గర నుంచి తెరపై కనిపించే ప్రతి ఫ్రేమ్‌కి ఒక ప్రత్యేకమైన అందం, ఒక భావం, ఒక ఆర్ట్ ఉంటుంది. అందుకే భన్సాలీ పేరు వినగానే ముందుగా గుర్తొచ్చేది దేవదాస్, బ్లాక్, గోలియోన్ కీ రాస్‌లీలా రామ్-లీలా, బాజీరావ్ మస్తానీ, పద్మావత్, గంగూబాయి కాఠియావాడి […]

విజయ్ వార‌సుడు… హీరో అవుతాడా?

త‌మిళ‌నాడు సీఎం విజ‌య్ త‌న‌యుడు సంజ‌య్‌.. ద‌ర్శ‌కుడిగా ఎంట్రీ ఇస్తున్న సంగ‌తి తెలిసిందే. ‘సిగ్మా’ అనే సినిమాతో ద‌ర్శ‌కుడిగా త‌న ప్ర‌యాణాన్ని ప్రారంభిస్తున్నాడు. అక్టోబ‌రు 2న ఈ చిత్రం ప్రేక్ష‌కుల ముందుకు వ‌స్తోంది. సందీప్ కిష‌న్ – ఫ‌రియా అబ్దుల్లా జంట‌గా న‌టించారు. త‌మ‌న్ సంగీతం అందిస్తున్నారు. ఈ సినిమాతో ద‌ర్శ‌కుడిగా సంజ‌య్ ఎలాంటి మార్క్ చూపిస్తాడా అని అంతా ఆస‌క్తిగా ఎదురు చూస్తున్నారు. నిజానికి సంజ‌య్ ని హీరోగా చూడాల‌ని విజ‌య్ ఫ్యాన్స్ భావించారు. త‌న‌కు […]

హైదరాబాద్‌ పరిసరాల్లోనే కేసీఆర్ కుటుంబానికి 440 ఎకరాలు..ఓన్లీ అఫీషియల్ !

తెలంగాణ రాష్ట్రాన్ని దాదాపు దశాబ్ద కాలం పాటు పాలించిన బీఆర్ఎస్ అధినేత కేసీఆర్ కుటుంబం అధికారాన్ని అడ్డం పెట్టుకుని వేల కోట్ల విలువైన ఆస్తులను అక్రమంగా కూడబెట్టిందని ముఖ్యమంత్రి ఎనుముల రేవంత్ రెడ్డి శాసనసభ వేదికగా ఆధారాలు బయట పెట్టారు. కేవలం హైదరాబాద్ పరిసర ప్రాంతాల్లోనే అధికారిక రికార్డుల ప్రకారం కల్వకుంట్ల కుటుంబ సభ్యుల పేరిట ఏకంగా 440 ఎకరాల భూములు ఉన్నాయని లెక్కలను బయటపెట్టారు. స్వరాష్ట్రం కోసం వేలాది మంది అమరులు ప్రాణాలర్పించి, ఉద్యమకారులు సర్వస్వం […]

వి.సా.రెడ్డి సంచలనం – టిక్కెట్లు, పదవుల ఆశతో జగన్ మత మార్పిళ్లు

జగన్ రెడ్డి తన పార్టీ నేతల్ని పదవుల కోసం మత మార్పడి చేసుకోమని ఒత్తిడి చేసేవారన్న ప్రచారం నిజమేననడానికి సంచలన ఆధారాలు వెలుగులోకి వస్తున్నాయి. గత ప్రభుత్వ హయాంలో ఎమ్మెల్యే టికెట్లు, కేబినెట్ మంత్రి పదవుల కేటాయింపులో పార్టీ అధినేత వైఎస్ జగన్‌మోహన్‌రెడ్డిని ప్రసన్నం చేసుకునేందుకు నాయకులు మతం మారారనే అర్థం వచ్చేలా ఆయ ట్విట్టర్‌లో పోస్టు చేశారు. కాకినాడ మాజీ మ్మెల్యే ద్వారంపూడి చంద్రశేఖర్ రెడ్డి సువార్త కూటముల్లోచేసిన చేసిన ఓ ప్రసంగానికి సంబంధించిన పాత […]

మాదాపూర్‌లో భూకబ్జా – ఆరా మస్తాన్‌పై కేసు?

హైదరాబాద్‌లోని ఐటీ కారిడార్ మాదాపూర్ పరిధిలో అత్యంత ఖరీదైన స్థలం విషయంలో ప్రముఖ రాజకీయ సర్వే విశ్లేషకుడు, ఆరా పోల్ స్ట్రాటజీస్ అధినేత ఆరా మస్తాన్‌పై భూకబ్జా ఆరోపణలు వస్తున్నాయి. మార్కెట్‌లో రూ.కోట్ల విలువ పలికే వివాదాస్పద భూమిని నకిలీ పత్రాలు సృష్టించి చేజిక్కించుకునేందుకు యత్నించారనే ఫిర్యాదులు రావడంతో ఈ వ్యవహారం అధికార, పోలీస్ వర్గాల్లో హాట్ టాపిక్‌గా మారింది. ఈ స్థలానికి సంబంధించి తప్పుడు, ఫోర్జరీ పత్రాలను సమర్పించి మున్సిపల్ అధికారుల నుంచి నిర్మాణాలు, ఇతర […]

వివేకా హత్య కేసు నిందితుల డిశ్చార్జ్ పిటిషన్లు రిటర్న్ !

వైఎస్ వివేకానందరెడ్డి హత్య కేసు విచారణలో హైదరాబాద్‌ నాంపల్లిలోని ప్రత్యేక సీబీఐ కోర్టు కీలక నిర్ణయం తీసుకుంది. తమపై నమోదైన అభియోగాల నుంచి విముక్తి కల్పించాలని, కేసు నుంచి తప్పించాలని కోరుతూ ప్రధాన నిందితులు దాఖలు చేసిన డిశ్చార్జ్ పిటిషన్లను న్యాయస్థానం తిరస్కరిస్తూ రిటర్న్ చేసింది. ఈ కేసులో ప్రధాన నిందితులుగా ఉన్న ఏ1 ఎర్ర గంగిరెడ్డి, ఏ3 ఉమాశంకర్‌రెడ్డి, ఏ6 గజ్జల ఉదయ్‌కుమార్ రెడ్డిలు దాఖలు చేసిన పిటిషన్లపై కోర్టు ఈ మేరకు ఉత్తర్వులు వెలువరించింది. […]

కేసీఆర్ ఫామ్ హౌస్ భూమి పేదలకు పంపిణీ – రేవంత్ సంచలనం

తెలంగాణ శాసనసభ వేదికగా ముఖ్యమంత్రి ఎనుముల రేవంత్ రెడ్డి బీఆర్ఎస్ అధినేత, మాజీ ముఖ్యమంత్రి కేసీఆర్‌ను లక్ష్యంగా చేసుకుని సంచలన ప్రకటన చేశారు. సిద్దిపేట జిల్లా ఎర్రవల్లిలోని కేసీఆర్ ఫామ్‌హౌస్ పరిధిలో ఉన్న భూములను పేదలకు, ముఖ్యంగా దళితులకు పంచుతామని ఆయన నేరుగా అసెంబ్లీలోనే ప్రకటించడం రాజకీయ వర్గాల్లో పెను ప్రకంపనలు సృష్టిస్తోంది. దళితులు ఆ ప్రాంతంలోకి వెళ్లినప్పుడు ఆ భూమిని శుద్ధి చేశారని ఆరోపించిన సీఎం, ఇప్పుడు అదే భూమిని అదే దళిత బిడ్డలకు పంచే […]

వార‌ణాసి : ఆ విష‌యంలో మ‌హేష్ ఫ్యాన్స్ కి నిరాశేనా?

ఎస్‌.ఎస్‌.రాజమౌళి సినిమా అంటే ప్రమోషన్లే ఓ పెద్ద ఈవెంట్. కానీ ‘వారణాసి’ విషయంలో మాత్రం అందుకు పూర్తి భిన్నమైన స్ట్రాటజీని ఫాలో అవ్వాలని రాజమౌళి అనుకుంటున్నట్టు టాక్. ఈ సినిమాకు సంబంధించి ఇప్ప‌టి వ‌ర‌కూ ఒకే ఒక్క ఈవెంట్ జ‌రిగింది. రామోజీ ఫిల్మ్ సిటీలో గ్లింప్స్ రిలీజ్ చేశారు. ఆ త‌ర‌వాత ఎలాంటి ఈవెంట్ లేదు. ఇక ఫ్యూచ‌ర్ లో కూడా ఇలాంటి ఆలోచ‌నే లేక‌పోవొచ్చ‌ని ఇన్ సైడ్ వ‌ర్గాల టాక్‌. అసలు ట్రైలర్‌నే రిలీజ్ చేయకుండా […]

అలా అయితే డీలిమిటేషన్‌కు బీఆర్ఎస్ సపోర్ట్ !

ప్రస్తుతం ఉన్న నిష్పత్తి ప్రకారం డీ లిమిటేషన్ చేస్తే తాము మద్దతిస్తామని కేటీఆర్ ప్రకటించారు. గతంలో యాభై శాతం పార్ములా వెనుక కూడా పెద్ద కుట్ర ఉందని ఆరోపించిన ఆయన ఇప్పుడు.. అదే ప్రకారం చేస్తే నిష్పత్తి మారదు కాబట్టి మద్దతు ఇస్తామన్నట్లుగా ఢిల్లీలో మీడియాకు చెబుతున్నారు. అయితే బీజేపీతో మాత్రం పొత్తు ఉండదని చెబుతున్నారు. ఓ మీడియా సంస్థ చర్చా కార్యక్రమంలో ఆయన పాల్గొన్నారు. బీజేపీతో తమ పార్టీ ఎలాంటి పొత్తు పెట్టుకోదని స్పష్టం చేశారు. […]

సొంతిల్లు కొంటున్నారా? బిల్డర్‌ను ఈ 5 ప్రశ్నలు అడగండి!

సొంతిల్లు అనేది ప్రతి ఒక్కరి జీవితంలో ఒక భావోద్వేగపూరితమైన, అతిపెద్ద ఆర్థిక నిర్ణయం. జీవితకాల సంపాదనను పెట్టుబడిగా పెట్టి కలల గృహాన్ని కొనుగోలు చేసే సమయంలో ఏమాత్రం అజాగ్రత్తగా ఉన్నా తీవ్ర నష్టాలు, న్యాయపరమైన చిక్కులు ఎదుర్కోవాల్సి వస్తుంది. మార్కెట్‌లో ఆకర్షణీయమైన బ్రోచర్లు, సేల్స్ ప్రతినిధుల మాటలు చూసి మోసపోకుండా.. డీల్ కుదుర్చుకునే ముందే బిల్డర్ , డెవలపర్‌ను కొన్ని కీలక ప్రశ్నలు అడిగి పూర్తి సమాచారం రాబట్టడం కొనుగోలుదారుల ప్రాథమిక బాధ్యత. ముందుగా ప్రాపర్టీ చట్టబద్ధమైన […]

INDIA’S BIGGEST SUPERSTAR.. అస‌లు పోటీ ఇప్పుడు మొద‌లైంది

ప్రభాస్ — మహేష్ బాబు — అల్లు అర్జున్. ముగ్గురి ప్రయాణం వేరు. ముగ్గురి ఇమేజ్ వేరు. ముగ్గురి మార్కెట్ వేరు. కానీ ఇప్పుడు ముగ్గురినీ ఒకే ప్రశ్న దగ్గరికి తీసుకొచ్చింది. India’s Biggest Superstar ఎవరు? ఇది ఇప్పటివరకు ఎక్కువగా ప్రభాస్ పేరు చుట్టూ తిరిగిన ట్యాగ్. ‘బాహుబలి’ తర్వాత ప్రభాస్‌కు వచ్చిన పాన్ ఇండియా ఇమేజ్… ఆ తర్వాత వచ్చిన భారీ చిత్రాలు… ఉత్తరాది మార్కెట్‌లో ఏర్పడిన ఫాలోయింగ్… అంతర్జాతీయ స్థాయిలో వచ్చిన గుర్తింపు… […]

పాత ఆస్తి అమ్మి కొత్తది కొంటున్నప్పుడు టాక్స్ తప్పించుకోవడం ఎలా?

ఇల్లు , ఓపెన్ ప్లాట్ వంటి రియల్ ఎస్టేట్ ఆస్తులను విక్రయించినప్పుడు వచ్చే భారీ లాభాలపై పన్ను పోటు తప్పదు. రెండేళ్లకు పైబడి మన వద్ద ఉన్న ఆస్తిని అమ్మినప్పుడు దాన్ని దీర్ఘకాలిక మూలధన లాభం అంటారు. ఈ లాభాలపై ప్రభుత్వానికి 20% వరకు పన్ను రూపంలో చెల్లించాల్సి ఉంటుంది. అయితే, ఆదాయపు పన్ను చట్టం-1961లోని సెక్షన్ 54 , సెక్షన్ 54F నియమావళిని సరిగ్గా వినియోగించుకుంటే, ఆస్తుల విక్రయం ద్వారా వచ్చిన లాభాలపై ఒక్క రూపాయి […]

బెంగాల్ బై ఎలక్షన్స్ – గుర్తు కోసం దీదీ పాట్లు !

పశ్చిమ బెంగాల్ రాజకీయాల్లో ఉరఎన్నికల హడావుడి ప్రారంభమయింది. సీఎం రెండు చోట్ల గెలిచి రాజీనామా చేసిన నందిగ్రామ్ , అలాగే రెజీనగర్ అసెంబ్లీ నియోజకవర్గాలకు కేంద్ర ఎన్నికల సంఘం ఉపఎన్నికల షెడ్యూల్ ప్రకటించింది. ఈ రెండు స్థానాల్లో నామినేషన్ల దాఖలు ప్రక్రియ ప్రారంభం అయింది. అక్టోబర్ 6న పోలింగ్, అక్టోబర్ 9న ఓట్ల లెక్కింపు జరగనుంది. భవానీపూర్ నుంచి ఎన్నికైన సువేందు అధికారి నందిగ్రామ్ స్థానాన్ని అట్టిపెట్టుకుని నందిగ్రామ్‌ను ఖాళీ చేయడం, రెండు చోట్ల నెగ్గిన రెజీనగర్ […]

అమరావతిలో 12 ఎకరాల్లో ఎల్.వి. ప్రసాద్ కంటి ఆసుపత్రి

ఆంధ్రప్రదేశ్ రాజధాని అమరావతిని అంతర్జాతీయ స్థాయి హెల్త్ సిటీగా, అత్యాధునిక వైద్య కేంద్రంగా తీర్చిదిద్దే లక్ష్యంలో మరో కీలక మైలురాయి నమోదైంది. ప్రపంచ ప్రఖ్యాతి గాంచిన ప్రముఖ నేత్ర వైద్య పరిశోధనా సంస్థ ఎల్.వి. ప్రసాద్ ఐ ఇన్‌స్టిట్యూట్ తన ప్రతిష్టాత్మక ఆసుపత్రి క్యాంపస్‌ను అమరావతిలో ఏర్పాటు చేయబోతోంది. అత్యాధునిక కంటి చికిత్సలు, అధునాతన నేత్ర శస్త్రచికిత్సలు, పరిశోధనలను రాష్ట్ర ప్రజలకు మరింత చేరువ చేసేందుకు రాష్ట్ర ప్రభుత్వం ఈ ప్రాజెక్టుకు పూర్తి సహకారం అందిస్తూ స్థల […]

వారణాసి పర్యటనకు ఏపీ సీఎం చంద్రబాబు!

భారత ప్రధాని నరేంద్ర మోదీ జన్మదినం, ఆయన ప్రజా జీవితంలో గుజరాత్ సీఎంగా , దేశ ప్రధానిగా పాతికేళ్ల పాలనా ప్రస్థానాన్ని పూర్తి చేసుకుంటున్న సందర్భంగా వారణాసిలో నిర్వహించనున్న వేడుకలకు ఆంధ్రప్రదేశ్ ముఖ్యమంత్రి నారా చంద్రబాబు నాయుడు హాజరవుతున్నారు. సెప్టెంబర్ 17న ప్రధాని పార్లమెంటరీ నియోజకవర్గమైన కాశీ కేంద్రంగా ఎన్డీయే భాగస్వామ్య పక్షాలు, బీజేపీ జాతీయ నాయకత్వం కలసి సేవా సంకల్ప అభయాన్, బైక్ యాత్రను ప్రారంభించనున్నాయి. ఇందులో భాగంగా రుద్రాక్ష్ కన్వెన్షన్ సెంటర్‌లో జరిగే ప్రత్యేక […]

పులివెందులలో టీడీపీ వర్సెస్ టీడీపీ – వైసీపీ జాడేది?

పులివెందుల అంటే వైఎస్సార్ కాంగ్రెస్ పార్టీకి తిరుగులేని కోట. అక్కడ ఏ గొడవలు జరిగినా, రాజకీయ ఘర్షణలు చోటుచేసుకున్నా అది కేవలం వైసీపీలోని అంతర్గత వర్గాల మధ్యనే సాగేది. ప్రత్యర్థి పార్టీల ఉనికి నామమాత్రంగానే ఉండటంతో, నియోజకవర్గంలో వైఎస్సార్‌సీపీ చెప్పిందే వేదంగా చెల్లుబాటు అయ్యేది. అయితే 2024 ఎన్నికల ఓటమి తర్వాత పులివెందులలో సీన్ పూర్తిగా మారిపోయింది. దశాబ్దాలుగా ఏకఛత్రాధిపత్యం చలాయించిన వైసీపీ నాయకులు ఇప్పుడు సైలెంట్ కావడం, చాలామంది దారి చూసుకోవడం లేదా పక్కకు తప్పుకోవడంతో […]

తమ్మినేని సీతారాం..యూ టూ !?

శ్రీకాకుళం జిల్లా ఆముదాలవలస రాజకీయంలో కీలక పరిణామం చోటుచేసుకుంది. తమ్మినేని సీతారాం కుటుంబం ఇప్పుడు వైసీపీకి పూర్తిగా దూరమయ్యే పరిస్థితి కనిపిస్తోంది. సీతారాం రాజకీయ వారసుడిగా ఉన్న ఆయన కుమారుడు తమ్మినేని చిరంజీవి నాగ్ అత్యవసరంగా విలేకరుల సమావేశం ఏర్పాటు చేసి వైసీపీ జిల్లా నాయకత్వంపై తీవ్రస్థాయిలో విమర్శలు గుప్పించారు. రాబోయే స్థానిక సంస్థల ఎన్నికల్లో వైసీపీ ఒక్క సీటు కూడా గెలుచుకోలేదని, అనుమానం ఉంటే అంతర్గత సర్వే నివేదికలను సరిచూసుకోవచ్చంటూ ఆయన ప్రకటించారు. తమ్మినేని కుటుంబంలో […]

మహేష్ గౌడ్..టార్గెట్ చాలా పెద్దదే!

తెలంగాణ కాంగ్రెస్‌ చీఫ్ బొమ్మ మహేష్ కుమార్ గౌడ్ పనితీరు ప్రస్తుతం అధికార పార్టీలోనే చర్చనీయాంశంగా మారింది. ముఖ్యమంత్రి రేవంత్ రెడ్డి సారథ్యంలో ప్రభుత్వం ముందుకు సాగుతుంటే, పార్టీ కేడర్‌ను, ప్రభుత్వ నిర్ణయాలను క్షేత్రస్థాయిలోకి తీసుకెళ్లే బలమైన సమన్వయకర్తగా వ్యవహరించాల్సిన పీసీసీ చీఫ్.. అంతర్గత అసంతృప్తులను నియంత్రించడంలో ఘోరంగా విఫలమవుతున్నారన్న అభిప్రాయం గాంధీభవన్‌లో బలపడుతోంది. ఉమ్మడి ఏపీలో వైఎస్సార్-డీఎస్ కాంబినేషన్‌ను ఆదర్శంగా తీసుకుని, రేవంత్ రెడ్డి-మహేష్ గౌడ్ కలిసి ప్రభుత్వాన్ని, పార్టీని నడిపిస్తారని భావించినప్పటికీ.. సీఎం రేవంత్ […]

నారాయణపై బురద చల్లేస్తున్న నెల్లూరు కరప్షన్ లీడర్స్!

నెల్లూరు జిల్లా రాజకీయాల్లో పురపాలక, పట్టణాభివృద్ధి శాఖ మంత్రి పొంగూరు నారాయణను లక్ష్యంగా చేసుకుని వైసీపీ నేతలు రోజుకొకరు చొప్పున ప్రెస్‌మీట్లు పెట్టి అవినీతి ఆరోపణలు గుప్పిస్తున్నారు. నగరంలో జరుగుతున్న అభివృద్ధి పనుల్లో, నిధుల కేటాయింపుల్లో భారీగా అవకతవకలు జరిగాయని, తమ వద్ద పక్కా ఆధారాలు ఉన్నాయంటూ ప్రకటనలు చేస్తున్నారు. అయితే, చేతిలో నిజంగా ఒక్క కాగితమైనా ఉంటే సాక్షి టీవీ మొదలుకుని సోషల్ మీడియా వరకు భూతద్దంలో పెట్టి రోజుకు వందల వార్తలు, రీల్స్‌తో హోరెత్తించే […]

కాంగ్రెస్‌కు రివర్స్ అవుతున్న అతి రాజకీయం!

రాజకీయాల్లో వ్యూహాత్మక పైచేయి సాధించడం ఎంత కళో, దక్కిన ఆ ఆధిక్యతను పదిలపరుచుకుంటూ నిలబెట్టుకోవడం అంతకంటే పెద్ద పరిపక్వత. ఎదుటి పక్షం వేసే ఎత్తులకు పైఎత్తులు వేసి ఇరుకున పెట్టినప్పుడు వచ్చే మైలేజీని హుందాగా మలుచుకోవాలి తప్ప, అత్యుత్సాహంతో అతి చేస్తే అది అంతిమంగా చెట్టుకొట్టి మీదేసుకున్న చందంగా మారుతుంది. ప్రస్తుతం తెలంగాణ కాంగ్రెస్ ప్రభుత్వం బీఆర్ఎస్‌తో సాగిస్తున్న తాజా ఘర్షణల పర్వంలో సరిగ్గా ఇదే జరుగుతోందన్న భావన వ్యక్తమవుతోంది. అసెంబ్లీ వేదికగా మొదలైన వివాదంలో బీఆర్ఎస్ […]

డీఎస్సీ స్పోర్ట్స్ కోటా – వైసీపీ అడ్డంగా ఇరుక్కున్నట్లే!

ఆంధ్రప్రదేశ్‌లో రికార్డు సమయంలో పూర్తయిన మెగా డీఎస్సీ ప్రక్రియపై ఆది నుంచీ బురదజల్లుతూ వచ్చిన వైఎస్సార్సీపీ.. నియామక ప్రక్రియలో ఎలాంటి సాంకేతిక లోపాలు వెలికితీయలేక చివరకు స్పోర్ట్స్ కోటా ఎంపికలపై పడింది. మొత్తం 16 వేలకు పైగా ఉపాధ్యాయ నియామకాల్లో స్పోర్ట్స్ కోటా కింద ఎంపికైన వారిలో ఒకరిద్దరు అభ్యర్థుల పేర్లను పట్టుకుని, అసంబద్ధమైన రీల్స్, తప్పుడు ప్రచారాలతో మొత్తం డీఎస్సీ నే శంకించేలా విషం చిమ్ముతోంది. ప్రభుత్వం ఇప్పటికే పబ్లిక్ డొమైన్‌లో ఆధారాలు, హాల్ టికెట్లు […]

అసెంబ్లీలో ధరణి పాపాల చిట్టా – రేవంత్ డిసైడ్!?

శాసనమండలి సమావేశాలు నిరవధికంగా వాయిదా పడినప్పటికీ.. శాసనసభను మాత్రం పొడిగించి, రిజిస్ట్రేషన్ చట్టంలోని సెక్షన్ 22ఏ అంశంపై స్వల్పకాలిక చర్చను కొనసాగించాలని ప్రభుత్వం నిర్ణయించడం వెనుక కాంగ్రెస్ పక్కా రాజకీయ, వ్యూహాత్మక లెక్కలు ఉన్నట్లు స్పష్టమవుతోంది. సాధారణంగా ఒక సెషన్ ముగింపు దశకు చేరినప్పుడు ఉభయ సభలూ ఒకేసారి నిరవధికంగా వాయిదా పడటం ఆనవాయితీ. కానీ, అసెంబ్లీని ప్రత్యేకంగా కొనసాగించడం ద్వారా.. రేవంత్ రెడ్డి ప్రభుత్వం భూ వివాదాలు, ధరణి చుట్టూ గత బీఆర్ఎస్ పాలనలో జరిగిన […]